Kondoiari bueltak ematen

Xehetasunak

Kategoria: Jo ta jo

Noiz argitaratua: Azteazkena, 06 Martxoa 2013 08:49

Nork idatzia: Agurtzane Hormatza

Aupa denoi!

Zelan zabiltzate ba? Eutsi ezin zuon ikasketei? Ez da harritzekoa! batzuetan ez da gauza erraza izaten eta. Beharbada gure txoko hau atsedenalditxo bat egiteko parada ematen dizue eta bide batez indarrak hartzeko, informazioa eskuratzeaz gain … Ez da plan txarra, ezta?

Eta gaurkoan kondoiarekin natorkizue … inoiz kondoia etorri izan da gure txokora baina aspalditik ez denez agertu edo etorri izan denean beste batzuen eskutik etorri denez, gaurkoan argi osoa berari ematea ebatzi dut.

Egun inoizko kondoi mota gehien daude. Kolore, forma, zaporeak, tamainak ( zabaleran milimetro pare bateko diferentziak asko egiten du kondoia estu gera ez dadin ) , latexkoak edo poliuretanozkoak ( latexi alergia baldin badiozu) … aukera zabala edozein egoerari aurre egiteko, edozein jokoan sartzeko, edozein zakilari egokitzeko, edozein lekuan jolasteko …

Egungo kondoiak hain finak dira ez dela nabaritzen aldean ipinita daukagula ere .Proba hau egizu: kondoi bat zabaldu eta esku batean ipini, beste eskuarekin laztandu kondoia ipinita daukana … zein da sentsazioa? Igartzen duzu?

Zakila eta eskua ez da gauza bera baina zakilean ipintzerakoan igartzen bada ere exzitatuta gaudenean zakila bere bideari jarraituko dio kondoia eraman ala ez. Bagina edo ipurtzuloan sartuta dagoenean gauza bera gertatzen da, kitzikagarritasunaz gozatzen baldin bagaude ez dugu nabaritzen gabardina aldean dagoen ala ez, ahoan aldiz zaporezkoak direnez askorentzako are kitzikagarriagoa da kondoia eramatea …. Kondoiaren materiala ez da arazoa.

Egia da kondoia ez bada gure “laguna”, ez bada gure jolasean beste “ kide” bat … batzuetan arrotz egingo zaigula kondoia ateratzea, ipintzea … beraz erraza izango da arazoak izatea. Adibidez ezin ipini ibiltzea, erekzioa galtzea eta orduan zailagoa izatea kondoia ipintzea beraz berehala uste dugu kondoia errudun dela … baina ez. Kontu hori gutxienez hiruron kontua da, kondoiarena, zurea eta zure lagunarena. Egia da ez dela erreza izaten kondoia gure jolaskide izatea … horretarako gure artean denbora, praktika, konfiantza, barre egitea … ezinbestekoa da . Giro horretan erekzioa galtzen bada, exzitazioa moteltzen bada, desioa galtzen bada be … gai izango gara egun horretan edota beste batean berreskuratzea.H or dago gakoa!

Kondoia gure bidaide izan liteke, zergatik ez!? Bera guri laguntzeko dago. Guk egin gura ditugun joko erotikoak lasai asko egiteko . Hau dena jakinda kondoia erabiliz babestuta gaudela askoz ere errazagoa izango da exzitatzea , errelajatzea , lubrikatzea eta abar luze bat. Eskerrak bera dagoela gure joko horietan gu lasai ibiltzeko.Bestela gure lagunarekin jolasean gaudenean arduratuta egongo ginen, eta ardura gure baitan agertzen denean gozatzea oso zaila da, plazera sentitzea zailagoa zer esanik ez orgasmoaren sentsazioa …

Gehiago irakurri: Kondoiari bueltak ematen

Kontu barriak zahar

Xehetasunak

Kategoria: Jo ta jo

Noiz argitaratua: Igandea, 03 Martxoa 2013 09:10

Nork idatzia: Agurtzane Hormatza

Aupa denoi,

Zelan zabiltzate? Betiko martxan imajinatzen dut, gehienok parean. Lehenik eta behin eskerrak eman behar dizkizuet zuok emandako informazioagatik, zuon zalantzak nirekin konpartitzeagatik … batzuetan ez bazaizue oso erreza egiten be. Niretzako horrelakoak oso lagungarriak dira, alde batetik zuon kezken muinei heltzen banaiz gero zuoi laguntzeko errazago daukadalako, eta bestetik zuon errealitatea hobeto ezagutzen laguntzen didazuelako.

Hau dela eta zuon kontutxo batekin natorkizue.

Neska mutilen harremanen inguruan asko idatzi izan dugu eta idatziko dugu. Gaurkoan azken urteotan harreman horien inguruan ematen diren aldaketatxo bati buruz berba gura dizuet. Adina … nesken adina, mutilen adina.Ez da ezelako tontakeria. Sarri bien arteko adin desberdintasuna arazoa bihurtu daiteke eta.

Orain dela gutxi arte, neska-mutil bikote gehienetan mutila izaten zen zaharragoa neska baino. Orain aldiz gero eta ohikoa bihurtzen ari da kontrakoa. Ez da nagusien kontua soilik, ezta pentsatu ere. Gero eta bikote gaztetxo gehiago daude, eta zuon artean gero eta gehiago zarete neska zaharragoa dena mutila baino. Neskak 15, mutila 13, edo 14 eta 12, 18 eta 15 … Denetarikoa. Anitza bizitza lakoa.

Kontua argi dago ez dela adin arteko diferentzia , nor den zaharragoa edo gazteagoa …, maitasunak edo lagunarekin gustura egoteak ez dauka adinik eta.

Gehiago irakurri: Kontu barriak zahar

GABONAK ETA OPARIAK

Xehetasunak

Kategoria: Jo ta jo

Noiz argitaratua: Astelehena, 31 Abendua 2012 13:42

Nork idatzia: Agurtzane Hormatza

Aupa denoi!

Zelan zabiltzate? Sasoi honetan oporretan, ondo baino hobeto horrenbeste ikastolako beharrik gabe ezta

Zuotariko batzuek lagun mina edo neska laguna edo bikotekidea edukiko duzue … eta beharbada Gabonak direla eta buruhauste handiak edukiko dituzue opariak direla eta.

Batzuentzako betebeharra bihurtzen dira eta beste batzuentzako gogotsu eginikoak izaten dira..baina azkenean denontzako ere denbora eta gastua, ezta?

Gaur proposamen bat dakarkizuet. Gabonetako aitzakiarekin opariak egiteko ideiak luzatuko dizkizuet, baina argi dago beste edozein momentutan erabil ditzakezuen ideiak direla!

Opari bat ematen dugunean sarri emailearentzat zein jasotzen duenarentzako gauza asko ematen/jasotzen dira.Adibidez: adiskidetasuna , maitasuna, esker ona, poztasuna …, opariak zer edo zer adierazteko modua badelako .Hori dela eta norberak sentitzen duen presioa oparia aukeratzerakoan, ematerakoan, hartzerakoan ….handiegia bihur daiteke.

Beraz lehenik eta behin PRESIOAK KANPORA ETA OPARIAK GOZA DITZAGUN!

Opariaren muina, adibidez, gure maitasun adierazteko modu bat bada ezin gara presioen unibertsoan sartu, horrek ez digu lagunduko, berdin da zelako tamaina daukan opariak. INTENTZIOA, JARRERA …. Horiek bai direla garrantzitsuak.

Oparia aukeratzeko inportantea izango da gure lagunaren gustuak jakitea, horretarako ikertzea ezinbestekoa izaten da.Zelan? Ba... lagunei edota berari galdetuz, gure lagunak esaten duenari erreparatuz, laguna zer edo zertan arreta ipintzen badu geuk be arreta ipini informazio batzeko …. Seguru gure aurrean hainbat pista daudela, baina arreta eta denbora behar izaten dugu konturatzeko.

Beste pista bat, oso inportantea dena,  zer nahi diogun opatu? zelako opari mota gura dugun? zer gura diogun adierazi? Gure baitak ere argibideak emango dizkigu beraz, gure barrenari begiratzea ezinbestekoa izango da.

Sarriegi dirua gure ametsetako opariaren oztopoa bihur daiteke baina ez ahaztu oparia ez dela zertan garestia izan behar, are gehiago diru gabe egin dezakezuela!!

Horretarako irudimena ezinbestekoa izango da nahi duzuna aurkitzeko.

Alde batetik denda batean nahi baduzu erosi beharbada buelta batzuk emango dituzu zure poltsikoaren neurriko zer edo zer topatzeko. Askotan nahi duzuna ezin duzu baina tankerako zer edo zer bai, behr bada muina berbera daukan beste opari bat zure zain egongo da! Ez etsi!

Dirurik ez badago, zergatik ez eraiki oparitu gura diozuna?

Seguru nago hainbat gauza daudela zuk egiten dakizkizunak: esku lanetan ona? Zelan margotzen? Eta eskutitz bat idazten badiozu zure sentimenduak azalduz!!!?? zelan piknik bat prestatzen badiozu? masaje bat oparitzen badiozu? Beraren gustuko leku batean arratsalde pasa elkarrekin?zer sentitzen duzun esatea?,zelan mendira bazoaz eta lora edota landare batzuk hartzen badituzu? zelan zurea den zerbait oparitzen badiozu? Eta bere pelikula kuttunena edo musika talderik gustukoena grabatzen badiozu?...ASTINDU ZURE BARRENEAN BIZI DEN SORTZAILEA!!

Zure esku dago!

Lagunak gehien nahi duena zuk bera maitatzen duzula sentitzea da, bera zuretzat inportantea dela jakitea. Eta hori laztana, zuk baino ezin duzu egin.

Besarkada bana

Agurtzane

HIESA, GIB ETA GU

Xehetasunak

Kategoria: Jo ta jo

Noiz argitaratua: Ostirala, 30 Azaroa 2012 10:10

Nork idatzia: Agurtzane Hormatza

Aupa denoi:

Zelan zabiltzate? Web gunehonetan HIESA eta GIB-ari buruz idatzi nuen lehen aldia orain dela ia zortzi urte izango dira. Zorionez gauza asko aldatu izan dira harrezkero baina tamalez oraindik behin eta berriro errepikatu behar ditugu hainbat eta hainbat gauza, zoritxarrez batzuek ez dira aldatu eta.

Abenduaren 1ean betiko moduan, gure gizartean horrelako datak badauzkagu eta, HIESA- GIB gaixotasunekin bizi duten pertsonak eta euren senitarteak gogoan edukitzeko, guzti horrek dakartenari buruz hausnarketarako, eskubideak aldarriketarako, denon baitan aldaketarako sugarra pizteko

... eguna bihurtu da.

Gazteen eta ez hain gazteen artean lanean nabilenean, edo kalean nire belarriak paretan ditudanean konturatzen naiz hiesari buruzko informazioa ez dela oso argia edo erraz ahaztu egiten dugula. Beraz, pentsatu izan dut baliogarria izango zela gaurkoan informazioa zehaztea:

H.I.E.S.A

Hartutako: edonork bere bizitzaren zehar hartutako birusa da, ez da heredatzen Inmuno-Eskasia(ren): gure sistema inmunologikoaren ahultzea

SindromeaA: sintoma askoren multzoa.

HIESA GIBak (=VIH. Giza Inmuno- Eskasiaren Birusa) sorturiko infekzioa da.

Gaixotasun honen ezaugarri inportanteena da organismoak defentsarako berez duen sistema, hau da sistema inmunologikoa hondatzen dela. Birusak bereziki atakatzen ditu T4 linfozitoak, hauek dira gure sistema inmunologikoaren "zuzendariak". Behin birusa "sartu" zelularen kode genetikoan bere lepotik ugaltzen da. Momentu horretan pertsona hori gibduna da(=seropositiva) baina oraindik ez du Hiesarik pairatzen, baina pertsona horiek zabaldu dezakete giba besteen artean.

Birusa oso arin garatzen bada T4 linfozitoak honda ditzake eta orduan sistemak "zuzendari" barik ez du inolako eraginkortasunik. Honen ondorioz agertzen diren infekzioak edota min-bizi prozesuak ohiko tratamenduekin oso zaila dira sendatzea. Gorputza ahul dagoenean eta defentsa gutxi duenean agertzen dira infekzio hauek, infekzio "oportunistak" deiturikoak, gaixotasunaren lesio handienak sortarazteko.

Azken urteetan , erretrobirusaren kontrako tratamenduetan egindako aurrerapenak direla eta, lortu da birusaren erasoa geldiaraztea, infekzioaren progresioa nabarmen atzeratuz. GIBak eragindako infekzioa daukaten pertsonak gero eta urte gehiago bizi dira sintomarik gabe, edo sintoma oso txikiekin.

GIBa organismotik at oso gutxi irauten da bizirik, bizitzeko odolean sartu behar du. Horretarako garraio bat behar du, hori alde batetik baina beste aldetik ere garraioak ate bat behar du sartzeko.

Zelan BAI zabaldu dezakegu?

Garraio "onak" biruserako : Odola, baginaren mukiak eta semena.

Sartzeko ateak: Sexu jokabide batzuk, tresna kutsatuak, transfusioak eta haurdunaldian fetoari.

- Gure odolean birusa badago eta gure genitaletako mukiek eta beste batenak nahastu ezkero. Genitaletan dauzkagun mukiak(baginan, zakilaren buruan...) oso hauskorrak dira, eta horien bidez oso erraz pasatzen da birusa semenara edota baginaren beste mukietara eta hortik odolera. Arrisku handiagoa da uzki-koitoa praktikatu ezkero uzkiko mukia askoz ere hauskorragoa delako bestea baino. Lagunaren genitaletako mukiak ahoaren bidez pasatzen badira gure barrenera sartzeko ere arriskua dago.

- Kutsatutako tresnak konpartitzeagatik: gure odolean birusa badago eta nire odola beste baten odolarekin nahasten bada orratzak edota xiringen bidez.

- Ama haurdun fetuari: Amak birusa odolean badauka haurdunaldia fetoari pasa.Egun badaude hainbat teknika ama gib-a edukita be fetoarengan ez edukitzeko inolako eraginik.

- Odol transfusioetan: Birusdun odola pertsona batek besteari pasatzea transfusioaren bidez.Gure herrian odola eta odoletatik datozen beste substantziak kontrolatuta daude.

Zelan EZ da zabaltzen?

- Guk aurrerago aipatutako sexu jokabide arriskutsuetan nahi badugu jardun, erabil dezagun latexezko tresnak, adibidez kondoia edo femidoia.

- Gure sexu harremanetan erabil dezakegu gure imajinazioa gure gorputzak edozertarako balio du eta: muxuak, laztanak, mihiaren ferekak, masturbazioak....

- Xiringak edota horrelakoak(piercing-ak) erabili behar baditugu ,esterilizatu erabili baino lehenago.

- Transfusioak gaur egun kontrolatuta daude.

- Gure eguneroko harremanetan ez da birusa kutsatzen . Guk birusa eduki ezkero inor ez da kutsatuko eguneroko bizitzan gurekin daudelako.

Ez zabaltzearen ardura guztiona da. Batzuk GIBa daukate eta ez dakite, beste batzuk badakite. Batzuek berba egingo dute euren egoerari buruz besteak aldiz ez, BAINA denon ardura da gure burua zaintzea!!!

Gaur egun ez dago tratamendurik gaixotasuna erabat sendatzeko. Hainbat eta hainbat farmako daude gaixotasunari aurre egiteko, baina ondorio latza asko ere badakarte HIESA-rekin edo GIB-arekin bizitzen diren pertsonentzako.

Dena dela bai daudela egin dezakegun hainbat gauza aurre egiteko eta bata da informazioa eskuratzea eta gure bizitzan arduratsu erabiltzea, eta ez dakigunean zer egin eskatu laguntza!

Gu hemendik gabiltza eta.

Besarkada handi bana,

Agurtzane