Android libreago

Xehetasunak

Kategoria: sarean

Noiz argitaratua: Larunbata, 08 Abendua 2012 22:27

Nork idatzia: Gorka Julio

Android sistema eragilea asko zabaldu da gure artean. Beste mugikorrentzako sistema eragileak gainditu eta gailu mugikorren erdiak baino gehiagok sistema hau erabiltzen du. Honen arrazoiak asko izan badaitezke ere, sistema eragile libre bat izateak zerikusi handia izan du, baina zein puntutaraino da librea Android?

Android sistema eragilearen atal gehienak Googlek libre utzi zituen Apache 2.0 lizentzia bat erabiliz. Bere kernela, hau da sistema eragilearen muinak aldiz, GPLv2 lizentzia erabiltzen du; hau ere librea. Hau horrela izanda ere, badira telefonoekin normalean etortzen diren zenbait aplikazio eta baita driver ere libreak ez direnak. Google Play adibidez, aplikazioak erosteko eta jaisteko erabiltzen den programa ez da librea eta gainera Google kontu bat erabiltzera behartzen du.

Android sistema eragilearen atal gehienak libre izanik eta askatasun hori edukita, badira Android oraindik libreago izatea lortu nahi duten pertsonak. Telefonoan sistema eragileaz gain, badira oso garrantzitsuak diren aplikazio batzuk ere. Horiek guztiek egiten dute darabilgun sistema libreago izatea. Proiektu asko daude, baina bi aipatuko ditugu oraingoan Cyanogenmod eta Replicant. Biak bide ezberdinetatik Android libreago bat egin nahi dute.

Cyanogenmod

ROM honek bertsio ofizialak ez dituen zenbait ezaugarri jartzeaz gain, Googlek berez dakartzan aplikazioak aukerazko egin nahi ditu. Honek ez ditu aplikazio pribatibo horiek ekartzen nahiz eta, instalazioan gailutik kopiatu eta sistema ezarri ondoren instala daitezkeen.

Gehiago irakurri: Android libreago

DuckDuckGo bilatzailea

Xehetasunak

Kategoria: sarean

Noiz argitaratua: Astelehena, 10 Iraila 2012 22:05

Nork idatzia: Gorka Julio

Interneteko historian bilataileak oso tresna interesgarriak izan ziren. Yahoo, Altavista eta orain Google Interneteko oinarri garrantzitsuenetako bat bihurtu izan diren bakoitza bere garaian. Interneten gero eta informazio egonik hau aurkitzea arazo eta behar izan da beti. Hala ere, azken urteetan badirudi Googleren nagusitasuna oso handia dela ez bakarrik bilatzaileetan, baita beste era bateko zerbitzuetan. Beste bilatzaile batzuk ere badaude, baina azken aldian interes berezia piztu du DuckDuckGo izenekoak.

Bilatzaile berri honek pribatutasuna kontutan hartuz, emaitza onak, azkarrak eta aurreratuak emateko gai dela erakutsi du. Bere indarguneak hauek dira:

• Pribatutasunaren kezka: Bilatzaileek egindako bilaketak gorde eta aztertu ondoren perfilak sortu ohi dituzte. Ondoren informazio horrekin batez ere publizitate zuzendua bilai ahal izateko. Tresna honek egiten dituzun bilaketen informazioa ez du horretarako baliatzen eta beraz pribatutasuna gehiago zaintzen du.
• Bilaketa burbuilatik ihes: Bilatzaile askok bizitzan zehar egiten goazen bilaketak gordez gure bilaketen patroi bat egiten du. Patroi horren ondorioz guk egiten dugun bilaketa eta beste batek egiten duena ezberdinak dira. Kasu askotan interesgarria izan badaiteke ere, beste askotan honek oztopo bat suposa dezake. Adibidez normalean bilatzen ditugun gaietatik atera eta beste arlo bateko gauzak bilatzen ari garenean. Bilatzaile berri honek hori ere lortzen du eta gure burbuila horietatik kanpo ere bilatzen laguntzen digu.
• !Bang bilaketak: Bilaketa azkarrak egiteko tresna sinple bat dira. Bilatzen ari zaren hitzaren ostean harridura ikurra eta bilatu nahi duzun tokiaren izena jartzearekin nahikoa da hauek erabiltzeko. Bilatzeko aukera hau ematen duten webguneak asko dira, zerrenda honetan onartzen diren guztiak ikusiko dituzue. Horietako batzuk: !google, !wikipedia, !amazon, !wired ... Wikipedian "ikastola" hitza bilatzeko adibidez: "ikastola !wikipedia" sartzearekin nahikoa litzateke.
  Gune ezagunenek !bang bilaketa gakoen bertsio laburtuak dituzte !google = !g, !wikipedia = !w, !youtube = !yt ... Ez hori bakarrik webguneak ez bilaketa gaiak ere iragazi daitezke; irudiak bilatezeko !image edo !i, mapetan bilatzeko !maps edo !m, bideoak bilatzeko !video...
• Erantzun azkarrak: Sintaxi berezi batzuk erabiliz erantzun zuzenak emateko gaitasuna dauka bilatzaileak. Kalkuloak, konbertsioak, eguraldia... Galdera zuzen hauei erantzuteko gai da bilatzailea. Bilboko eguraldia jakin nahiko bagenu: "weather Bilbao" jartzearekin nahikoa litzateke. Asko dira aukerak eta denak Goodies atalean zerrendatuta daude adibide eta guzti.
• Spam gutxiago: Beste bilatzaile edo metabilatzaile askok ez bezala publizitate eta spam gutxiago aurkitzen da bilatzaile honen bidez. Emaitza ziurrenak goiko partean erakusten dira beste bilatzaile batzuetan publizitatea azaltzen den lekuan.

DuckDuckGo beste bilatzaileak bezala erabiltzen da, baina erabilera gehiago errazteko gure nabigatzailearekin guztiz integratzeko bideak daude. Horretarako atariaren orrialde nagusian azpian eskuinean Add to Nabigatzailea loturan klik egin eta automatikoki zure nabigatzaileko kutxan DuckDuckGo aukera agertuko da. Hortik aurrera ez duzu zertan bilatzailearen webgunera sartu behar bilaketak egiteko, bilatzaileko bilaketa kutxatik zuzenean egin baitezakezu.

Ez da aukera bakarra, ezta beharbada hoberena ere, baina Googleren erabilpen politika gero eta erasokorragoaren aurrean beste aukera bat da. Gauza askotarako Google bera erabiltzen badu ere, egiten duen bitartekaritza horretan pribatutasun neurri batzuk hartzen ditu eta hori behintzat interesgarria da.

Udaran ezberdin ikasi

Xehetasunak

Kategoria: sarean

Noiz argitaratua: Asteartea, 07 Abuztua 2012 18:16

Nork idatzia: Gorka Julio

Bidaiatzeaz gain udara pasatzeko era asko dago eta zergatik ez ikastea ere horietako bat izan daiteke. Unibertsiateek beraien udarako ikastaroak garai hauetan antolatzen dituzte, baina horietaz kanpo beste era batera ere ikasteko aukera ematen duten ekitaldiak sortu daude. EraldaLAB, Ud4kamp eta orain Summer of Labs beste era batera ikasi, jolastu eta ondo pasatzeko aukera ematen duten ekitaldiak dira.

Denak Euskal Herrian izan dira, beraz ezin esan gurean teknologiaren alorrean batez ere ikasteko aukera ez dagoenik. Hurrengo asteetan Summer of Labs-en txanda izango da. Bere lehen geltokia Oreretako Kabia espazio kreaktiboan izango du abuztuaren 10 eta 11n. Bertan ekimen osoan zehar garatuko diren proiektuen aurkezpenak egingo dira eta hainbat tailerretan parte hartzeko aukera egongo da. Egitarau osoa webgunean kontsultatu dezakezue.

Ondoren ekimenak Bilbo joko du eta bertako Zwap-ean abuztuaren 15etik 18ra proiektu horien garapena ikusi eta hauetan parte hartzeko aukera izango dugu. Ekimen honetan parte hartzeko garrantzitsua da izena ematea, horrela antolatzaileek ere erraztasuna izango baitute ekimenaren antolaketa eraman ahal izateko.

Gehiago irakurri: Udaran ezberdin ikasi

Eskuz esku sarea osatu

Xehetasunak

Kategoria: sarean

Noiz argitaratua: Azteazkena, 18 Uztaila 2012 08:56

Nork idatzia: Gorka Julio

Ikastolen historioa oparoa da, bere ibilbidea luzea eta bere egokitzeko gaitasuna paregabea. Klandestinitatean jaio eta gaur egun Europako Kooperatiba bat izatera iristeko denbora asko pasa da. Iraupen eta biziberritze horretan, urtero herrialdeka egiten diren jaiek garrantzia handia izaten dute. Azken urteetan berrikuntza ugari egon dira hauen inguruan, baita alde teknologikoan ere. Horiei buruz, baina batez ere datorren Kilometroak jaiaren arlo teknologikoaz hitz egingo dugu.

Ikastolen jaiak 5 izaten dira urtero eta aurten ere horrela izango da. Gure herri eta kaleetan aski ezagunak izaten dira batez ere datak iristen ari direnean. Kafea hartzerakoan azukrearen sobretxoetan ere etengabe dakigu hauei buruz. Interneten ere noski bere isla dute:

• Herri Urrats (Iparraldea) - Elkartuz zabaldu.
• Ibilaldia (Bizkaia) - Ibi puntu zero.
• Araba Euskaraz (Araba) - Barneratu, barreiatu.
• Kilometroak (Gipuzkoa) - On egin.
• Nafarroa Oinez (Nafarroa) - Kolore&hitz

Azken aldian aldiz, badago mugikorrentzako aplikazio bat informazio hori lortzen asko laguntzen diguna. Ikastolen jaiak izeneko aplikazioarekin jai hauei buruzko informazio eguneratua izango duzu. Mugikor mota ezberdinentzat erabilgarri dago, horien artean Android eta iOS sistema eragileak erabiltzen dituztenak. Aplikazio honen bidez jai bakoitzaren berri izateaz gain, egitaraua, informazioa, oharrak... jaso daitezke. Eguneratua egongo denez etorkizunean ere erabiltzeko aukera emango du aplikazioak.

Hurrengo jaia, urriaren 7an Kilometroak izango da Andoainen. Gutako askok buruan dugu oraindik Kilometroak 90 Andoainen abestia, horren aztarnak ere oraindik ere sarean dirau. Baina aurten ere, bideoa eta abestia egin eta zabaltzeari ekin diote sareak eskainitako baliabide guztiak erabiliz eta herriko kirol, kultur, pertsona... ezberdinen laguntzaz. Bideoa YouTubera igo eta denon eskura jarri dute.

Noski kilometroak.net webgunean bideoa, baina baita ere beharrezko informazio guztia aurkituko duzue. Webgunea baita egiten denaren laburpen osoa, etxea alegia. Interneteko sare sozialetako profilak eta jarioak hor aurkitzen dira estekatuak: Twitter, Facebook. Google+ eta Berriketan.

Horretaz gain Kilometroak iritsi baino lehen ere on egin lemarekin eta teknologiarekin harreman zuzena duten zenbait ekimen aurrera eraman dituzte. Batetik EraldaLab ekimena eta bestea guifi.net proiektuaren hedapen plana Andoainen. Lehenengoa teknologiaren erabilpen sozialen inguruan izandako ekitaldi interesgarria izan bada. Bigarrena aldiz, sare libre eta neutralak Kilometroetan, baina hortik haratago Andoain osoan zehar hedatzeko ekimena da.

Bi ekimen zehatz hauek Andoaingo ikastolaren teknologia berrien erabileraren aldeko konpromezua erakusteaz gain, auzolanean lan egiteko gaitasuna ere erakutsi dute. Lan egiteko eredu horiek ere Interneti oso lotuak dauden ereduak izaki, etorkizunean bertan ikasten duten gazteek beharrezko izango dituztela kontutan hartuta albiste bikaina.

Baina sarean bada denon parte hartzeari irekita dagoen ekimen bat ere Klikmetroak. Kilometroetako haserako ideia berrasmatzeko nahia izan dute, Interneten. Oraingo erronka, metro bana egingo duten pertsonak batzea da; eta metro horiek "ordainduko" dituzten babesleak bilatzea. Hau da, zuetako bakoitzak egiten duen klik bakoitzarengatik, zuek ezer ordaindu gabe laguntzaile batek euro bat emango dio Kilometroak ekimenari. Eskuz-esku sarea osatzeko joateko, klik bakar batera duzue parte hartzeko aukera, on egin!