Estankona

Xehetasunak

Kategoria: Barri music

Noiz argitaratua: Osteguna, 02 Ekaina 2011 01:00

Nork idatzia: Gotzon Uribe

2004an, Arratiako bi lagunekin batera, Arean taldea sortu zuen. Arean taldean murgilduta goitik-behera, bi disko argitaratu zituen urte berean ("Arean" eta "Higakorra", 2005, Gaztelupeko Hotsak). Euskal Idazleen Elkarteak 2008an "Atera dena" izeneko lana kaleratu zuen eta Borja Estankonak parte hartu zuen hitzen eta abestiaren arteko batuketa horretan.

2006an, Arean taldearen desegitearekin bat, bere bakarkako proiektuari eman zion hasiera. Bakarlari eta gidari baina laguntza sendo eta trinkoa bilatu zuen diskoa osatzeko, Itxaso Etxebeste baxularia (Katamalo) eta Jimmy Arrabit (Itoiz, King Mafrundi, Anje Duhalde, Jimmy Arrabit Trio...).

Borja Estankonaren "Estankona" diskoa 2010eko udan grabatu zen Gasteizko Sonora estudioetan eta Iñaki Alonsok egin zituen grabazioak, nahasketak eta masterizazioa. Diskoak bi laguntzaile nagusi izan ditu baina ez, ordea, musika atalean, hori ongi beteta baitute Itxaso Etxebestek eta Jimmy Arrabitek. Borjaren anaiak, Igor Estankona idazleak diskoa irekitzen duen abestiaren letra idatzi du "Idatzia ez dago ezer".

Estankona bakarkako lehen diskoan "Estankona" da. Tautologia. Rockaren izpiritua barruan, amerikarra zein anglosajoia. Kantuetan badago tentsioa, indarra, bilakaera, helmuga eta irteera toki berean. Puntuaren zirkulua beti itxi egiten da kantuetan. Kantuetan historiak datoz. Poza, alaitasuna eta tristezia. Kantuek bilakaera dutenean, kantuen garapena da kontuan hartzen dena. Estankona bakarlariak abesti guztiei erantsi die gorago edo beherago joateko antsia eta gogoa.

Skatu

Xehetasunak

Kategoria: Barri music

Noiz argitaratua: Astelehena, 30 Maiatza 2011 01:00

Nork idatzia: Gotzon Uribe

Skatu Iruñerriako 8 gaztek osatutako musika taldea da. 2007an kantak sortzeari eta kontzertuak emateari ekin zioten, harrera oso ona jasoz eta orduz geroztik, ez dute atsedenik hartu. Italian eta Eslovenian ere kontzertuak eman izan dituzte, bertakoek ere haien musikarekin disfrutatuz.

Aldarrikapen eta kritika hitzak nagusi dira Skaturen kantetan, betiere inguruko bestelako gaiekin tartekatuz eta hortaz, parranda piztu ez ezik gaur egungo lokarturiko jendarte honetan kontzientziak astintzea ere haien nahia da.

2008ko abenduan, 12 kantaz osatutako lehenengo diskoa izan zena kaleratu zuten, "Zortziak bat!" eta orain bigarren diskoa aurkeztera datozkigu.

"Izana izanen" Skatu taldearen bigarren diskoa da. 14 abestiz osatutako disko honekin, taldeak bere erritmo biziei jarraipena ematen die, estilo ezberdinetako kantak osatuz. Era horretan, haizeak nagusi badira ere, rock edota punk doinuei ere tartea irekitzen diola, betiere estilo bakar batean sailkatu eta mugatu gabe.

Kantetan, letrek ere pisu handia daukate, izan ere mezua helaraztea eta kontzientziak astintzea Skaturen helburuetako bat da. Horrela, Palestinaren
aldeko kantuak, torturaren kontrakoak, euskararen aldekoak edota presoen egoeraren inguruko kantuak, baita egungo sistemaren aldaketa eta iraultza aldarrikatzen dutenak ere, kutsu umoretsu baina kritikoko bestelako abestiekin ere bat egiten dutela, "Nikasio" edota "Dolarren kolorekoa" bezalako abestiak hain zuzen ere. Euren inguruko gaiek ere letretan isla nabaria dute, "Sexua sua" edota "Bizitzaren bideak" abestiek argi uzten duten moduan.

Diseinua, asko zaindu duten beste aspektu bat izan da. Era horretan aurreko diskoarekin bezala,honekin ere emaitza pozgarria erdietsi dute, diseinu zaindu eta txukun bat kaleratuz, taldearen zaerarekin guztiz bat datorrena.

Diskoa MusikHerria diskoetxearekin kaleratua izan da, baloreen krisialdi honetan ere, musika askea eta herriaren esku egongo den kultura sortu nahi izan baitute, inongo mugarik gabekoa.

Jare eta Basaki taldeen disko berriak

Xehetasunak

Kategoria: Barri music

Noiz argitaratua: Azteazkena, 20 Apirila 2011 01:00

Nork idatzia: Gotzon Uribe

Jare eta Basaki taldeen lan berriak argitaratuko ditu Oihuka diskoetxeak udaberrira begira, "Itxaropenaren ertzean" eta "Egunero hasten da, hurrenez hurren". Jare, Idi Bihotzeko musikariek osaturiko taldea da; Leioako Basakik, berriz, urteak daramatza kontzertuak ematen eta diskoak argitaratzen. Biak ala biak rock talde sendoak dira.

Jare, 2010eko amaieran sortu zen Mikel eta Gorka Bizar (Idi Bihotz eta Flyn'Freak ohiak) anaien ekimenez, zazpi disko argitaratu eta seiehun kontzertu baino gehiago egin ondoren. Horiekin batera belaunaldi berriko musikariak daude: Jagoba Ormaetxea eta Iñigo Benito (Autostereo), eta Kepa de Miguel. Osagai guzti horiekin taldeak "Itxaropenaren ertzean" lana kaleratu du Oihukaren eskutik. Grabazioak rock gogorra, pop musika eta rock alternatiboa besarkatzen dituzten 11 kantu biltzen ditu.

Basaki, berriz, ibilbide luzeko taldea da. Izan ere, 1996 urtean eratu zen Leioan, eta harrezkero 100 emanalditik gora egin ditu. 2006an "Esperantzaren zain" izeneko estreinako lana argitaratu zuen. Geldialditxoa egin ondoren, duela hiru urte "Egunero hasten da" diskorako kantuak prestatzen hasi ziren taldekideak lokalean, Iker Herrero, Alfonso Rodriguez, Natxo Velez eta Xabi Diez musikariak, hain zuzen. Basakiren jarioan AEBetako rock garaikidearen zertzeladak islatzen dira, tartean, Creed, Alter Bridge, eta Stone Sour taldeenak. Melodiak eta erritmo irmoak nahasten dituen lan hau maiatzean kaleratuko da.

Audience eta Amerikanuak

Xehetasunak

Kategoria: Barri music

Noiz argitaratua: Igandea, 10 Apirila 2011 01:00

Nork idatzia: Gotzon Uribe

Gernikako Audience taldeak "Amerikanuak" soinu bandarako sorturiko konposaketak zuzenean aurkeztuko ditu, "AUDIENCE plays AMERIKANUAK" emanaldian, 2010ean Donostiako Nazioarteko Zinemaldian aurkezturiko dokumentaiaren irudietan oinarrituta. Taldearen aurreko lanak ez bezala, boskoteak euren abestien konposaketa eta interpretazioari ekin diote zuzeneko irudiekin batera.

"Amerikanuak" (2010) Nacho Reig eta Gorkak Bilbaok zuzenduriko eta izenburu berdina duen dokumentalaren soinu banda da. Audience-k dokumentaiarentzat zuzenean sorturiko 19 kantak, blues, rock eta folk doinutan oinarritzen dira. Dagoeneko ohikoak diren gitarra, biolin, piano eta steel gitarrari, aurretiaz grabaturiko oinarri eta programazioak batu zaizkio, taldearen lehen lan luzearen antzera, eta esperimentaziora eramaten ditu erritmo tradizioanalak. Musika amerikarraren erroak eta aukera berrien bila joandako pertsonen istorioek bat egiten dute, kutsu bereko oinarri duten irudi eta kantuetan, joan etorriko bidaia balitz. Gernikako boskoteak Jose Lastra ekoizlearekin grabatu du "Amerikanuak" soinu banda, aurretiaz "Some Lovely Hands On Dry Skin" (2001) eta "Second Hended" (2002) diskoekin egin zuen modura. "Amerikanuak", Donostiako 58. Nazioarteko Zinemaldian aurkeztua izan da premier-ean Zinemira atalaren barnean. "Amerikanuak" bIDEhUTS plataformapean argitaratua dago.